🌷🌹 لاعاد تتعبله ولاتمشيله&& بقلم الكاتبة ألعنود الشامخة الاصيلة🌷🌹

 لاعاد تتعبله ولاتمشيله

رفيقك إن شفته من بعيد أوميله

ساد إبيدّك

ترسل إشاره من بعيد إتسدّك

الْ غوالي غوالي إتودها وإتودّك

هِكْ حُكم وقتك راد مالك حيله

وقت شين ماتسمّع إلاّ اللي إتهدّك

وإتضيّق الخاطر بيه يسمر ليله

وإتكمّل نهارك سانده بيدّك

خدّك إتفكّر والنفوس عليله

المصيبه الكبيرة اللي صحيح إتهدّك

إتقصّر وبيت الله ماتمشيله

ياوقتنا يامر يكفي سدّك

خذيت ماتبي منّا وشيله بيله

إلا فْ دينّا المولى إيحدد حدّك

ولاتجعل المصيبة  بدينا بوسيله

رورحي روحي

لا ترحم اللي مات فيه سموحي

لا تجيني إتسلم لا أداوي جروحي

ولاخِل يشكيلك ولا تشكيله

وبكل الأماني خايبات طموحي

من يوم ماغيّب كبير العيله

من يوم غيبته إنسكّب وناصب نوحي

في وطن خالي تحت ضئ فتيله

وأحوال وطني إمررات جبوحي

طعم العسل علقم اليوم كليله

وعن كل الغوالي بي زايد موحي 

رحنا ضحايا الفتن والتكبيله

وختمت بجوكر هد كل سروحي

فيروس كارونا بهوله وويله

اللي زاد حاياهن جميع جروحي

وقطّع أرحام الوصل والتوصيله

عليك وقت فالشينه يزيد وضوحي

يحمّلنا الله  الصبر ماي قليله