🌹💐🌹💐🌹💐تهايالي ..& ✍️ بقلم إيلاف الملتقى🌹💐🌹💐

تهايالي ..

انك ماجيت علي بالي

اني من عقلي ناسيتك ..

انك ماعاد علي غالي ..

اني لاحضانك ماحنيت .. لهفة مرجاك في عيني

قدرت نداري .. دسيت

غمزني الفرح لاقيتك ..

يـا ..حِلي وترحالي .. ..

تهايالي .. انك ماعاد علي تخطر

و اشواقي نكميها ..

بـها لا تدرا ولا تشعر ..

لقيت الوهم كاسيني ..

وسوء الظن ..عاميني

لقـيتـك مازال معشوقي ..

صوتك لحن موالي ..

لقيتك طيف .. يسكنّي

ويزين كل فرح فيا ..

لقيتك عُمر .. لملمنّي ..

يشعل بالأمل..مآقيا

ويهمسلي ..بـ ترنيمة

يقول معاي ..لاتسالي

تهايالي .. تهايالي

نسيانك مش اعجوبة ..

وأيامي بعيد عنك .. ..

نحسبها ..بـ عادية

تاريها ماهي محسوبة ..

لقيت الحزن ظللها ..

معتمها .. مكممها ..

لقيت الصبر أكذوبه ..

شن مال غلاك انا ...ومالي

.... وتهايالي