وقت سفَتْ عالوجه إرداها
طيفه جاها—حايا داها
للصبح إتموج خلاّها
وين إمتدت
للنوم علي إفراش تهدّت
رفعت فوق إغطاها وردّت
طيف لفاها
تحلف متخبي في إغطاها
من الشوق إمعا طيفه عدّت
من ينهاها
مهبوله وصلت مبغاها
من الأرياف الكبده فدّت
طول صغاها
طانيها نازل عحشاها
ماتلتام بدمع إنهدت
هِلت معاها
جي عالجرح نزيل إبكاها
شدّيت معاها وهي شدّت
ني وياها
مشتاقين ودايا داها
دنيا أفكار علينا جدّت
طال مداها
جي طيف غوالي حاياها
مدّيت معاها كي مدّت
شلت وراها
الصوت بقولت غاب دواها
تقول خلوج ولدها فقدت
في مرعاها
إتحن ولا من شال عناها
وداده في غاشي غردت
بُعد جباها
و لفرادي غيّب ماجاها
(يالشهيد سهرت معاها
شلت عناها
عيني وقتاً طيفك جاها)
