الله دايم يا وادي غير .
منازل هلنا فيك زمان .
منازلهم في اسنين الخير .
امنين طاهم بيهم مليان .
اليوم قعدن غير هناشير ..
اسيرهم في روس الوديان .
رشاد امعشش فيه الطير ..
اتقول اثار من الرومان .
والله موردهم ع البير .
قديم وغاطيه الريغان .
اهو قاعد من غير جهير .
امكيل بالرمله مليان .
اتقول ما عمره جاته ضير .
الله دايم ري العطشان .
عليه من الفجر العصير .
وهي اتحودس في المعطان .
اتمد مع درب دناعير .
تبي فوق رؤوس الكيفان .
الها معروفات مسادير .
هميله هيه وبو جديان .
ايجدن ع العقل تفاكير .
اتحوس وترجعله لذهان .
ايجي دمع العين قطارير .
علي الماقي داير غدران .
علي نجع امباجيد كبير .
اطارح في المخسر جيران .
عرب تركب منقوش الدير .
عرب بيها الخايف يطمان .
عرب تنقل في اسلاح قصير .
تلوتي من صنع الطليان .
اليا نق الخاوي بو سير .
ايجو فوق مساحيت اسمان .
خشوم العدوان كساسير .
هاذيم ابناك اللي عاشو يا وطن
امعاك ......ابكي يا وادي ..
ومزال للقصيده بقيه تأتي تباع .
