نريد حياة كريمه وتمر الغيمه
تجيب المطر ياحلوة التبسيمه
انريدوا اشبوب اشيل الكدر
وشيل كل ذنوب
ونزور بيت الله هو المحبوب
ونزور وطنا ونزور مطرح خيمه
انزوروا سرت وبما اتجى احكايتي فكرت
واحترت فى الغربه لها حيرت
واقدارنا لها سلمت
ورضيت بحكمته الحكيمه
عن من نابنلوم
تميت نا الظالم ونا المظلوم
فى القدر وراه قضى كنهو جيمه
فيه رد كان سألت
مانريد نبعث فيه يوم طمعت
عيله كريمه ترد دوم كريمه
مافيها اختلاف .
احنا اصلنا معروف من الاشراف
أثقال روز مانا اخفاف موش غنيمه
انريدوا همه كل القبايل
حولنا ملتمه
ع السلم والتعمير فوق القمه
يفرح الليبي تنتهي النميمه
تنتهي الوشايا مابين الأخ وخوه فى سهرايا
لين سين زايد صاد بين حليمه
بين فلانه
وكل حد معروفه معاه مكانه
فينا اللى مدفون فى جبانه
وفينا اللى يبحث ايريد القيمه
نريد مكانه عزه وشرف نبحث علي الكرامه
تنامى الحقد رصيد ك الجثامه
لا هناك حلم جميل لا تبسيمه
لا هناك أفراح مقفول باب الحب بالمفتاح
لا طبيب بيداوى معانا اجراح
بنعيشوا كما يكتب الله علينا
بقلم
.سيد قذاف الدم
كتبها قبل رحيله
