ليش وين مانحساب بزغت شمسي
ايجي الليل ويغطيها
وليش وين مانوقد مشاعل همسي
ايجي الريح وايطغيها
ولولا مناجاة القمر
ولولا رحيلي والسفر
ماكتبت عل رمل البحر
قصة غلا يمحيها
ياحلم مابا ينتهي
ولاصار منا شى
وكم كان قلبي يشتهي
يبقى شذاه طري
لكن مكاتيب الغلا ديمه امعاكس غيمها
لاتروف لافيها رجا
تغرز مخالب ضيمها
لاتحن لاتعرف تروف
وظروف تعقبها ظروف
وخسوف في جرة كسوف
لاخير قابل فيها
لو كان ندري ما جرى راني فهمت بروحي
ولو شفت مره للورى راهي برت اجروحي
لكن اللي طبعه عصي يمشي ومابسمع دوى
لي صار لي باقي شوي عظم الشقاء يبيها
