🌲🌲كنتي عزيزه && ب✍️ العنود الشامخه الأصيلة‏ 🌲🌲

كنتي عزيزه ياعزيزه إنهنتي
غاب سيدها وغابوا إفحوله وأنتي

اليوم_إمغيب
اللي قبل ياوده عليك إمهيّب
إمعاه تشبحي في شبح ماو إقريّب
وياما لبستي عز وإزينتي
وإمعاه تنعمي وسط الرغيدالطيّب
بالهيبة العظيمه مانهار حزنتي
وكاين عدّوك من إسماك إيريّب
عطازا علي خشمه الثقل وزنتي
أيام بوعبا جملة أعداك إمطيّب
العز والكرامه والشموخ أدمنتي
واليوم غاب اللي دلاله إمخيّب
ثراك و ضناك وخيّبك حتى إنتي
وضعك تردّى فالرضيع إيشيّب
مشلوله أطرافك لأعداك إرهنتي
لعبت الغوله فيك فيك إتنيّب
مخالب إبهن عن العاديات حرنتي

كنتي عزيزه ياعزيزه إنهنتي
غاب سيدها وغابوا إفحوله وأنتي

كنتي_إفهيبه
وكنتي عظيمه عالأوغاد صعيبه
وكنتي مُهابه وشامخه ورهيبه
حصينه مُصانه ماالْ ظُلم ركنتي
واليوم دالنك أشوار عطيبه
وبارم عليك الوقت وإنتِ لنتي
يفرج الله عليك ياالذهيبه
تعودي الْ مسارك بعد ماإرتكنتي
وتعودي مثابه فالشموخ عجيبه
بهمةْ شوامخ ماعليهم هنتي

(كنتي عزيزه ياعزيزه إنهنتي
وإن راد ربي ترجعي كي كنتي)