إخلالك قاصر
عن طق الفجاوي في إغياب الجاسر
ومقلوب ميزانك وسوقك خاسر
وكل من ينيّب فيك رص إنيابه
وشمّر إستارك عاريه الخواصر
في إغياب جردك والعبا الخبخابه
بيّن بيّن
فاهقه كبير عليك ماو إهويّن
ضنيتي غيابه حق ساهل هيّن
وللّي جرالك ماعملتي إحسابه
إمنينه عدوّك فالأُمور إيزيّن
وانت بكلامه إمرحبه شرهابه
واليوم حالك منتهي وإمطيّن
وكل يوم زايد فالاعطاب إعطابه
بغيبت اللي كاين أعداك إمليّن
إغبي منهلك نازح اليوم شرابه
تبَعتِي الدوحه
وعرّاب بن صهيون يامفضوحه
ودفّك مشيتي فارحه بطْروحه
بعتي زعيم الوطن سمح أوجابه
اللي قبل كنتي تنعمي بصروحه
وكل يوم تزدادي معاه صلابه
واليوم هانك قعده عاللوحه
صمَّه وبكمه وعالعيون ضبابه
واخذك عشم هللي عليك بروحه
إمضحي ولاهادن عدو لاهابه
تميتي مسارح للعدو مسموحه
وكيف ماتمنوا يلعبو اللعابه
والشقره تعاني نازفه مجروحه
بعد غيبته مايلاقيه طبّابه
أصيله ووفيه معانده وجموحه
يصعب عليكم سرجها وإركابه
